Connect with us
Advertise with Giraya

ENTERTAINMENT

මහාචාර්ය සුනිල් ආරියරත්න සහ රෝහණ වීරසිංහ ඔස්කා සංවිධානයෙන් ඉවත් වෙයි

Published

on

මෙරට සංගීත ක්ෂේත්‍රයේ නියැලී සිටින ගායක ගායිකාවන්, සංගීතඥයන්, ගීත රචකයන් රැසක් නියෝජනය කරන ප්‍රමුඛතම සංවිධානය වන ඔස්කා සංවිධානයේ අධ්‍යක්ෂ මණ්ඩලයේ ඉවත් වීමට ප්‍රවීන ගීත රචක මහාචාර්ය සුනිල් ආරියරත්න සහ ප්‍රවීන සංගීතඥ රෝහණ වීරසිංහ තීරණය කර තිබෙනවා. ඔවුන් දෙදෙනා පසුගියදා සිය ඉල්ලා අස්වීමේ ලිපිය ඔස්කා සංවිධානයේ සභාපති ආචාර්ය ජයන්ත ධර්මදා වෙත යොමුකර තිබෙනවා.

ඔවුන් දෙදෙනා මෙලෙස ඉල්ලා අස් වීමට හේතු වී තිබෙන්නේ, ජැක්සන් ඇන්තනී විසින් අධ්‍යක්ෂණය කරන ලද ‘ඇඩ්‍රස් නෑ’ චිත්‍රපටයේ මහාචාර්ය සුනිල් ආරියරත්න විසින් රචිත, රෝහණ වීරසිංහයන් විසින් තනුව හා සංගීතය නිර්මාණය කළ, ගයාන් පෙරේරා විසින් ගායනා කරන ලද ‘ඇඩ්‍රස් නෑ’ ගීතය භාතිය ජයකොඩි සහ සන්තුෂ් වීරමන් විසින් අනවසරයෙන් ‘එලිෆන්ට් හවුස්’ ආයතනයේ වාණිජ්‍යය කටයුත්තකට යොදා ගැනීමයි.

එමෙන්ම, මෙහිදි වඩාත් සැලකිල්ලට යොමු වී ඇති කරුණක් වන්නේ, භාතිය ජයකොඩි ද ඔස්කා සංවිධානයේ අධ්‍යක්ෂවරයෙකු ලෙස කටයුතු කිරීමයි.

Giraya News Alerts

අදාළ ගීතය සම්බන්ධයෙන් මතු වූ ගැටලුවේදී භාතිය-සන්තුෂ් දෙදෙනා රුපියල් මිලියනයක වන්දියක් ලබාදීමට එකඟ වී ඇති නමුත් මේ දක්වා එම මුදල ලබා දී නොමැති බවත් විවිධ අන්දමින් හෙට්ටු කිරීමට උත්සාහ දරන බවත් සුනිල් ආරියරත්න සහ රෝහණ වීරසිංහ විසින් භාර දී තිබූ ලිප‍ියේ සඳහන් වේ.

සංගීත ක්ෂේත්‍රයේ නිරත පුද්ගලයන්ගේ අයිතිවාසිකම් වෙනුවෙන් පෙනී සිටින සංවිධානයක අධ්‍යක්ෂක මණ්ඩලයේ ජ්‍යෙෂ්ඨයන් දෙදෙනෙකුගේ අයිතීන් එම අධ්‍යක්ෂක මණ්ඩලයම නියෝජනය කරන කණිෂ්ඨයෙකු අතින් පැහැර හැරීමක් සිදු වන්නේ නම් එවැනි අධ්‍යක්ෂක මණ්ඩලයක තවදුරටත් කටයුතු කළ නොහැකි බව සුනිල් ආරියරත්න සහ රෝහණ වීරසිංහ සිය ලිපියෙන් අවධාරණය කරයි.

අදාළ ලිපිය පහතින් දැක්වේ.

රෝහණ වීරසිංහයන්ගේ පුත් කළිඳු වීරසිංහ මේ පිළිබඳව තම ෆේස්බුක් පිටුවේ සටහනක් ද තබමින් අදාළ සිදුවීම ගැන පැහැදිලි කර තිබුනේ මේ අයුරින්.

ඇඩ්‍රස් නැති වෙන්නට හේතුව…

මගේ මිතුරන් දෙදෙනෙකු වන භාතිය සහ සන්තුශ් ගේ production company එකක් වන SGM productions තුලින් ජැක්සන් ඇන්තනී මහතාගේ ඇඩ්‍රස් නෑ චිත්‍රපටයට නිර්මාණය කල ගයාන් පෙරේරා ගායනා කරපු ඇඩ්‍රස් නෑ ගීතය elephant house marketing project එකකට යොදාගෙන තිබුනා. මේ ගැන මට සෑහෙන පිරිසක් කතාකරල මගෙන් ඇහුවෙ මම තාත්තගේ සියලුම නිර්මාණ වල copyright සහ digital rights ගැන බලා ගන්න නිසාත් මගේ පියා ඒ පිලිබදව මට නීත්‍යානුකූලව පවරා ඇති නිසාත්ය. මම මේ ගැන තාත්තගෙන් ඇහුවම ඔහු මේ ගැන කිසිවක් දැන සිටියෙ නෑ.

තාත්ත ගීතය රචනා කල මහාචාර්ය සුනිල් ආරියරත්න සහ ජැක්සන් ඇන්තනී මහත්වරුන්ගෙන් මේ ගැන විමසුවත් ඒ අය මේ ගැන දැනුවත් වෙලා තිබුනෙත් නැහැ. පසුව මම කෙලින්ම සන්තුශ්ගෙන් මේ ගැන විමසුවේ ඔහුගේ නම executive producer කියල සදහන් වී තිබුන නිසා. ඔහු මට පවසා සිටියේ ‘ මචo ඒක uncle ගෙද? මම දැනගෙන හිටියෙ නැහැනෙ. මම මොකද වෙලා තියෙන්නෙ කිගල බලල call එකක් දෙන්නනම්’ . නමුත් YouTube song description එකේ සියලුම නම් සදහන්ව තිබ්බා. ඔහු මට ආයි කතා කරල කිව්වා’ මචo අපි film එකේ producer ට රුපියල් 60,000 දීල copyright ගත්ත’ කියල. මම කිව්ව මගේ පියාවත් මාහාචාර්‍ය තුමාවත් කිසිම විදිහකින් නිර්මාණයක අයිතිය producer ට පවරල නැහැ සහ කවදාවත් පවරන්නෙත් නැහැ කියල. ඊට පසුව සන්තුශ් මට කිව්ව ඒ ගැන සොයා බලල මම ආයි කතා කරන්නම් කියල. නමුත් මට දින කීපයක් යන තුරුම කතා කරේ නැහැ.

පසුව මගේ පියා ඔස්කා සoවිදානයට මේ ගැන කියල තිබ්බ. ඒ අය භාතියට සහ සන්තුශ්ට මේ ගැන නැවත කියල. සන්තුශ් මගේ පියාට කතා කල අවස්ථාවේ ටිකක් කතා බහ උනුසුම් වෙලා තිබ්බ. මගේ පියාව වැඩියෙන්ම ලගින් ආස්‍රය කලේ භාතිය නිසා ඔහු තාත්තට කතා කරන්න උත්සහ කරත් තාත්තාගේ හිත හොදටම රිදිල තිබුන නිසා එය ප්‍රතික්ෂේප කරා.

මගේ තාත්තා ගොඩක් ප්‍රවීනයන්ට වඩා වෙනස්. හුග දෙනෙක් ඔවුන්ගේ නිර්මාණ වලට බනිද්දි මගේ පියා ඒව අගය කලා. ඔහු භාතියලත් එක්ක නිර්මාණ පවා කල කෙනෙක්. ගොඩක් අය තාත්තට කිව්ව භාතිය සහ සන්තුශ් කියන්නෙ businessman ල ඒ නිසා ඔස්කා සoවිදානය තුලත් ඒ අය වෙනුවෙන ඒ අයගේ අදහස් වෙනුවෙන් තාත්තට පෙනී සිටින්න එපා කියල. ඒත් ඒ කිසිවක් නොතකා තාත්තා භාතිය සමග ඒ අද්‍යක්ශක මන්ඩල වල හිටියා. ඔවුන්ගේ අදහස් වෙනුවෙන් පෙනී සිටියා. නමුත් ඔවුන් මෙවැනි දෙයක් තමන්ගේ නිර්මාණයකට කරයි කියා මගේ පියා කිසි සේත් හිතුවෙ නැහැ. ඒකයි ඔහුට තිබෙන සිත් තැවුල.

භාතිය මට සෑහෙන වරක් කතා කරල ඔවුන්ගේ පැත්තෙන් උන දේ පැහැදිලි කරන්න මගේ පියාගෙන් වෙලාවක් අරන් දෙන්න කියල ඉල්ලීම් කරා. ඒත් මගේ පියා කිව්ව කොච්චර කතා කරත් කියන්න තියෙන්නේ ඔච්චරයි. වැඩේ කරන්න කලින් මට එක call එකක් දීල uncle මේක අපේ වැඩකට ගන්න පුලුවන්ද කියල අහුව නන් ඕක වෙන්නෙ නැහැ කියල. තාත්ත ඒ බව සදහන් කරල sms එකකුත් යවල තිබුනා.මීට කලින් භාතිය එහෙම අහපු ඒවට තාත්තා ඕනෑ තරම් හා කියල තියනව. අනික producers ල ඒ අයට අයිතිය තියනව කියල නිර්මාණ මුදලට විකුණන දේවල් ගැන සහ එයට විරුද්දව කතා කලයුතු බව භාතියම මගේ පියාට පහදා දී තිබුන මීට කලින්. නමුත් ඒ අයම producer කෙනෙක් ගෙන් මේ ගීතයට අවසර අරන් තිබීම ගැන මගේ පියා කනගාටු උනා. අවසර ගැනීම ඔවුන්ගේ සමාගමේ සේවකයෙකු අතින් උනා වෙන්න පුලුවන් නමුත් එම සමාගමේ අයිති කරුවකු හැටියටත් ඔස්කා සoවිදානයේ අද්‍යක්ශක කෙනෙක් හැටියටත් මෙවැනි දෙයක වගකීමෙන් භාතියටවත් සන්තුශ්ටවත් මිදිය නොහැක.

පසුව ඔස්කා සන්විදානයට සියලුම පාර්ශවයන් ගෙන්වල මේ ගැන කතා කරා. භාතියල ඒ අයගෙන් වරදක් උන බව පිලිගත්ත. පසුව මගේ පියාත් මහාචාර්ය තුමාත් රුපියල් මිලියනයක් වන්දියක් හැටියට ඉල්ලුවා සහ මීලග ඔස්කා රැස්වීමෙදි මේ ගැන වරද පිලිගෙන සමාව ගත යුතු බව පැවසුවා. මේ ඉල්ලීම් ලිකිතව ඔස්කා සoවිදානයවෙත බාර දුන්න. පසුව ඔස්කා සoවිදානයේ උසස් නිලයක් දරන කෙනෙක් මගේ පියාට කතාකරල ගනන කේවල් කරන්න උත්සහ කරා. භතිය සහ සන්තුශ් සමාගම දෙන්න කැමති රුපියල් ලක්ශ 5 බව අපිට දැනුම් දුන්න. මෙතන මුදල් පිලිබද මගේ පියාටත් මහාචාර්ය තුමාටත් අබමල් රේනුවක තරම් වත් වටිනා කමක් තිබ්බෙ නැහැ. නමුත් මේ වගේ නිර්මාණ අනවසරයෙන් පාවිච්චි කිරීමට දඩුවමක් සහ අනාගතයේ මෙවැන්නක් සිදු නොවීමට ගත් තීරනයක් මේක. මෙතරම් නිර්මාණ රැසක් ලoකාවට දායාද කල ප්‍රවීනයන් දෙදෙනෙකු සහ තම අද්‍යක්ශක මන්ඩලයේ දෙදෙනෙකුට ඔස්කා සoවිදානය සලකන්නෙ මෙහෙම නම් අනිත් ශිල්පීන්ගේ අයිතීන් ගැන ලොකු ප්‍රශ්නයක් මෙතන තියනව. එම හේතුවෙන් මගේ පියාත් මහාචාර්ය තුමාත් එම මුදල ප්‍රතික්ෂේප කර ඔස්කා සoවිදානයේ අද්‍යක්ශක තනතුරුවලින් ඉල්ලා අස්වීමේ ලිපිය පසුගියදා එම සoවිදානයේ සභාපතිට භාර දුන්න.

මමත් මේ සිදුවීමේ කොටස්කරුවකු වන නිසා සම්පූර්ණ විස්තරය ඔබට කියන එක මගේ යුතුකමක්. මේ ගැන අප අතර හුව මරු උන SMS පනිවුඩ මේ පිලිබද අවශ්‍ය උනොත් සාක්ෂි දරාවි.
ස්තුතියි 🙏
කළිදු වීරසිoහ

Advertisement Giraya News Alerts
Click to comment

Leave a Reply

Your email address will not be published.

ENTERTAINMENT

පියුමිගෙන් හා චන්දිමාල්ගෙන් මානව හිමිකම් කොමිසමට පැමිණිල්ලක් ?

Published

on

නිරෝධායන නීති කඩ කරමින් ෂ්‍රැංගිලා හෝටලයේ උපන්දින සාදයකට සහභාගී වුණැයි එල්ල වූ චෝදනා සම්බන්ධයෙන් අධිකරණයෙන් ඇප හිමිවී තිබියදී, තමන් ඇතුළු 21 දෙනා නිරෝධායන මධ්‍යස්ථානයකට යොමු කිරීම සම්බන්ධයෙන්, රූපලාවන්‍ය ශිල්පී චන්දිමාල් ජයසිංහ සහ නිරූපණ ශිල්පිනී පියුමි හංසමාලී ඔවුන්ගේ නීතීඥවරුන්ගේ මාර්ගයෙන් ශ්‍රී ලංකා මානව හිමිකම් කොමිසමට පැමිණිල්ලක් ඉදිරිපත් කර ඇති බව ‘ලංකාදීප’ වෙබ් අඩවිය වාර්තා කර තිබෙනවා.

නිරෝධායන නීති කඩ කිරීම සම්බන්ධයෙන් පියුමි සහ චන්දිමාල් යන දෙදෙනාම අත්අඩංගුවට ගත් නමුත් ඇප ලැබීමෙන් පසු ඔවුන් නිදහස් කරන ලදී.

කෙසේ නමුත්, චන්දිමාල් සහ පියුමි ඇතුළු උපන් දින සාදයට සහභාගී වූ 21 දෙනා නිරෝධායන මධ්‍යස්ථානයක් වෙත යොමු කෙරුණි.

Giraya News Alerts

නිරෝධායන මධ්‍යස්ථානයේ දී චන්දිමාල්, පියුමි හංසමාලි ඇතුළු පිරිස පී.සී.ආර්. පරීක්ෂණවලට යොමු කළ බවත්, ඔවුන් කිසිවකුට වෛරසය ආසාදනය වී නැති බව තහවුරු වූ බවත් වාර්තා වේ. ඒ අනුව පිරිස (16) අද දිනයේ නිරෝධායන මධ්‍යස්ථානයෙන් පිටව යෑමට නියමිතයි.

සිදුවුණු ඇන්දෝලනාත්මක සිද්ධිය සම්බන්ධයෙන් මාධ්‍ය වෙත අදහස් දක්වන්නැයි බොහෝ මාධ්‍ය තමන්ගෙන් ඉල්ලීමක් කර ඇතැයි පියුමි හංසමාලි ඩේලිමිරර් පුවත්පත සමඟ පවසා ඇත. තමන් සහ චන්දිමාල් නීතියට අනුව කටයුතු කරමින්, මානව හිමිකම් කොමිසමට පැමිණිලි කිරීමට සූදානම් බව පියුමි හංසමාලි ‘ඩේලිමිරර්’ පුවත්පත සමඟ පවසා ඇත්තේ එම අවස්ථාවේදී බව ද ‘ලංකාදීප’ පුවත්පත වැඩිදුරටත් වාර්තා කරයි.

Continue Reading

ENTERTAINMENT

‘ඇඩ්‍රස් නෑ’ ගීතයේ ගැටලුව සාමකාමීව විසඳා ගැනීමට දෙපාර්ශවය එකඟ වෙයි

Published

on

‘ඇඩ්‍රස් නෑ’ චිත්‍රපටය සඳහා මහාචාර්ය සුනිල් ආරියරත්න විසින් රචනා කරන ලද, රෝහණ වීරසිංහ විසින් තනු නිර්මාණය කරන ලද ගීතයක් සන්තුෂ් වීරමන් හා භාතිය ජයකොඩි වාණිජ කටයුත්තක් සඳහා යොදා ගැනීම සම්බන්ධයෙන් ඇති වූ ගැටලුව සාමකාමීව විසඳා ගැනීමට දෙපාර්ශවය එකඟ වූ බව ඔස්කා සංවිධානය විසින් මේ සම්බන්ධයෙන් පත් කරන ලද කමිටුව විසින් සඳහන් කරනවා.

එමෙන්ම, එම සිදුවීම ගීත මංකොල්ලයක් නොවන බව ද එම කමිටුව විසින් තහවුරු කර තිබෙනවා.

මෙම කමිටුව විසින් නිකුත් කරන ලද වාර්තාව පදනම් කර ගනිමින් ගීත නිර්මාණ කේන්ද්‍රයේ සභාපති ආචාර්ය ජයන්ත ධර්මදාස විසින් මහාචාර්ය සුනිල් ආරියරත්න, ආචාර්ය රෝහණ වීරසිංහ, භාතිය ජයකොඩි සහ සන්තුෂ් වීරමන් වෙත ඒ බව ලිඛිතව දන්වා යවා තිබෙනවා.

Giraya News Alerts

සම්බන්ධිත පුවත්

Continue Reading

ENTERTAINMENT

‘මම තාම පණපිටින්’ ප්‍රසන්නජිත් පිළිතුරු දෙයි

Published

on

සෞන්දර්ය කලා විශ්වවිද්‍යාලයේ කතිකාචාර්ය, ප්‍රවීණ රංගන ශිල්පී ප්‍රසන්නජිත් අබේසූරිය මිය ගිය බවට පැතිරී ඇති කටකතා සියල්ල අසත්‍ය බව ඔහු විසින් සිය ෆේස්බුක් ගිණුමේ සටහනක් තබමින් පවසනවා. මේ දිනවල විකාශය වන ‘නාඩගම්කාරයෝ’ ටෙලි නාට්‍යයේ ‘මාස්ටර්’ ගේ චරිතය නිරූපණය කරන අතර ඒ සඳහා ඇති අතිවිශාල ජනප්‍රියත්වය හේතුවෙන් මෙවැනි අසත්‍ය පුවත් නිර්මාණය වන්නට ඇති බවයි කලා ක්ෂේත්‍රයේ ආරංචි මාර්ග පවසන්නේ.

ප්‍රසන්නජිත් අබේසූරිය විසින් සිය ෆේස්බුක් ගිණුමෙහි පළ කළ සටහන පහතින්.

මම තාම පණපිටින් ………….. කවුරු හරි මොළේ අමාරුව තියන කෙනෙක් මේ වගේ post එකක් හදල දාල… ඊයෙ රාත්‍රී සිට අද පන්දර මේ දක්වාත් මට කතා කරමින් මේ ගැන බොහෝ දෙනෙක් විමසුව.. මිනිස්සුත් නිකන් කලබල වෙනව…… ඒ සියලු දෙනාට ස්තුතියි 🙏 මේ වගේ අතිශයින්ම බාල වැඩ කරන අය ඒකෙන් මොනවද බලාපොරොත්තු වෙන්නෙ කියන එකයි මට තියන ප්‍රස්නෙ…

Giraya News Alerts

කෙසේ වෙතත්, එම පෝස්ටුව පළ කළ පුද්ගලයා විසින් තම වරද පාපොච්චාරණය කර තිබෙන බවත් සමාව අයැද සිටි බවත් ප්‍රසන්නජිත් අබේසුරිය විසින් එම පෝස්ටුව තම ගිණුමෙහි පසුව සටහන් කර ඇත.

Continue Reading

Trending

Copyright © 2016 Giraya News. Powered by Digital Hub