Connect with us
Advertise with Giraya

Weather

අද පළාත් කිහිපයකට තද වැසි

Published

on

අද (13) පස්වරුවේ හෝ රාත්‍රී කාලයේ සබරගමුව, මධ්‍යම, බස්නාහිර සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී 75ට වැඩි තද වැසි ඇති විය හැකි බව කාලගුණ විද්‍යා දෙපාර්තුමේන්තුව නිවේදනය කරනවා.

මධ්‍යම, සබරගමුව සහ බස්නාහිර පළාත්වල උදෑසන කාලයේ දී මීදුම් සහිත තත්ත්වයක් පවතී. ගිඟුරුම් සහිත වැසි සමග ඇති විය හැකි තාවකාලික තද සුළං හා අකුණු ඇති වේ.

මේ අතර අද (13) දින දහවල් 12.10ට තිකාලි, මලාවි, වන්නිවිලන්කුලම්, ඉදායික්කාඩු සහ ආන්දන්කුලම් යන ප්‍රදේශවලි හිරු මුදුන්ව පවතී.

Advertisement
Click to comment

Leave a Reply

Your email address will not be published. Required fields are marked *

NEWS

අධික වර්ෂාව නිසා කොළඹ මාර්ග කිහිපයක රථ වාහන තදබදයක්

Published

on

අද (23) උදෑසන සිට කොළඹ නගරයට ඇද හැලෙද අධික වර්ෂාව හේතුවෙන් කොළඹ මාර්ග කිහිපයක රථ වාහන තදබදයක් ඇති වී තිබෙනවා.

ඒ අනුව, බත්තරමුල්ල, රාජගිරිය, තුම්මුල්ල, බාබර් වීදිය හා ආමර් වීදිය යන ප්‍රදේශවලට අධික වාහන තදබදයක් ඇති වී තිබෙන බවයි වාර්තා වන්නේ.

මේ අතර බස්නාහිර, සබරගමුව, මධ්‍යම, දකුණු හා ඌව පළාත්වල ඇතැම් ස්ථානවලට මි.මී 100 ඉක්මවු වැසි ඇති වන බව කාලගුණ විද්‍ය දෙපාර්තමේන්තුව සඳහන් කරයි.

ඒ අනුව බස්නාහිර පළාතේ සහ ගාල්ල සහ මාතර දිස්ත්‍රික්කවලත් උදෑසන කාලයේ දී ද වැසි ඇති වේ.

Continue Reading

Weather

ඉදිරි දින කිහිපය පුරා කාලගුණය උණුසුම් වෙයි, ප්‍රමාණවත් ලෙස ජලය පානය කරන්න

Published

on

දැනට රටට බලපා ඇති අන්තර් මෝසම් සමය තුළ ඉදිරි දින කිහිපයේ දී දිවයින පුරා උණුසුම් කාලගුණික තත්ත්වයක් පවතින බව කාලගුණ විද්‍යා දෙපාර්තුමේන්තුව පවසයි.

මුලතිව්, වව්නියා, ත්‍රිකුණාමලය,පොළොන්නරුව, මඩකලපුව, අම්පාර හා මොණරාගල යන දිස්ත්‍රික්කවලට වැඩි උෂ්ණත්වයක් වාර්තා විය හැකි බව ද කාලගුණ විද්‍යා දෙපාර්තුමේන්තුව නිවේදනය කරයි.

සිරුරට දැනෙන උෂ්ණත්වය පාලනය කිරීම සඳහා ප්‍රමාණවත් තරම් ජලය පානය කිරීම ඇතුළු ක්‍රියාමාර්ග ගත යුතු බව ද එම දෙපාර්තුමේන්තුව ජනතාවගෙන් ඉල්ලා සිටියි.

Continue Reading

Weather

‘බුරවී’ ත්‍රිකුණාමලයට ළඟා වෙයි

Published

on

By

නිරිත දිග බෙංගාල බොක්ක මුහුදු ප්‍රදේශයේ පවතින “බුරවී“සුළි කුණාටුව ඊයේ (01) ප.ව 23.30 වන විට ත්‍රිකුණාමලයට කි.මී 330ක් නැගෙනහිරට බරව ගිනිකොණ දෙසින් උතුරු අක්ෂාංශ 8.1ත් නැගෙනහිර දේශාංශ 84.2ත් ආසන්නව ස්ථානගතව ඇතැයි කාලගුණ විද්‍යා දෙපාර්තමේන්තුව නිවේදනය කරයි.

ගිනිකොණදිග බෙංගාල බොක්ක මුහුදු ප්‍රදේශයේ පවතින “බුරවි” සුළි කුණාටුව අද සවස හෝ රාත්‍රී කාලයේදී නැගෙනහිර වෙරළින් දිවයිනට ඇතුලු විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව පැවසුවේ සුළි කුණාටුව මඩකලපුව සහ පේදුරුතුඩුව ප්‍රදේශ අතරින් දිවයිනට ඇතුලු විය හැකි බවයි.

සුළි කුණාටුව සමග සුළඟේ වේගය පැ.කි.මී 75 – 85 පමණ වන අතර විටින් පැ.කි.මී 95 දක්වා වැඩි වේ. මෙය ක්‍රමයෙන් බටහිර දෙසට ගමන් කර මන්නාරම් බොක්ක වෙත පැමිණෙනු ඇතැයි බලාපොරොත්තු වේ.

නැගෙනහිර, උතුරු, උතුරු මැද, වයඹ, මධ්‍යම සහ සබරගමුව පළාත්වල නිරන්තර වැසි හෝ ගිගුරුම් සහිත වැසි ඇති විය හැකිය. ඇතැම් ස්ථානවල මි.මී 200ට වැඩි වැසි ඇති වේ. සෙසු ප්‍රදේශවල විටින් විට වැසි හෝ ගිගුරුම් සහිත වැසි ඇති වේ. ඇතැම් ස්ථානවල මි.මී 100ට වැඩි තද වැසි ඇති විය හැකිය.

උතුරු, උතුරු මැද, නැගෙනහිර, වයඹ සහ බස්නාහිර, මධ්‍යම සහ සබරගමුව පළාත්වල විටින් විට පැ.කි.මී 80 -90 පමණ තද සුළං ඇති වේ. සෙසු ප්‍රදේශවල විටින් විට පැ.කි.මී 60 70 පමණ තද සුළං ඇති වේ.

කාලගුණ විද්‍යා දෙපාර්තමේන්තුව දැනුම් දෙන්නේ පවතින අයහපත් කාලගුණ තත්ත්වය හේතුවෙන් නැවත දැනුම් දෙනතුරු දිවයින වටා මුහුදු ප්‍රදේශවල ධීවර හා නාවික කටයුතුවලින් වැලකී සිටින ලෙසයි.

මේ අතර, සුළි කුණාටු අවදානමට මුහුණදීම සඳහා දිස්ත්‍රික් ලේකම්වරුන්ගේ ප්‍රධානත්වයෙන් විශේෂ වැඩපිලිවෙලක් ක්‍රියාත්මක බව නැගෙනහිර පළාත් ප්‍රධාන ලේකම් තුසිත වනිගසිංහ ප්‍රකාශ ක‌‌රයි. ඔහු සඳහන් කළේ, මුහුදුබඩ ප්‍රදේශවල ජීවත්වන පවුල් අවශ්‍ය අවස්ථාවල ආරක්ෂිත ස්ථාන වෙත ඉවත් කිරීම සඳහා සැලසුම් කර ඇති බවයි.

නැගෙනහිර පළාතේ සියලු පාසල්ද අද (02) සිට අනිද්දා (04) දක්වා වසා තැබේ. තුසිත වනිගසිංහ ප්‍රකාශ කළේ පාසල් තුළ අවතැන් කදවුරු ස්ථාපිත කිරීමට සැලසුම් සකස් කර ඇති බවයි. ආපදා කළමනාකරණ අංශ , ත්‍රිවිධ හමුදාව හා පොලීසිය ඒකාබද්ධව ආපදා කළමණාකරණ වැඩපිලිවෙල මෙහෙයවන බව ද ඔහු පැවසුවේය.

මේ අතර, මඩකලපුව දිස්ත්‍රික්කයේ අවදානම් සහිත ගස් හා අතු ඉවත් කිරීම පසුගිය දින කිහිපයේ සිදුකළ බව දිස්ත්‍රික් ආපදා කළමණාකරණ මධ්‍යස්ථානය පැවසුවේය.

Continue Reading

Trending

Copyright © 2016 Giraya News. Powered by Digital Hub