Connect with us
Advertise with Giraya

Health

කොරෝනා වැළඳුන අය ගැන නවතම පර්යේෂණයකින් හෙළි වූ දේ

Published

on

කොවිඩ් – 19 හෙවත් නව කොරෝනා වෛරසය වැළඳී සුව වූ සෑම තිදෙනෙකුගෙන් එක් අයෙකුට ම දීර්ඝ කාලීන රෝගාබාධ ඇති වීමේ අවදානමක් පවතින බව නවතම පර්යේෂණයකින් හෙළිව තිබෙනවා.

කොවිඩ් වෛරසය වැළඳී සුව වූ පුද්ගලයින්ගෙන් 17%ක් ආතතියෙන් පෙළෙන බවත් 14%ක් ක්ෂණික ඉරියව් වෙනස්වීම්වලට ලක්වන බවත් එම වාර්තාවේ සඳහන් වේ.

ඒ අනුව, කොවිඩ් – 19 වෛරසය වැළඳුන පුද්ගලයින් මානසික ආබාධ හා ස්නායු ආබාධ ලක්ෂණ ඇති විය හැකි බවයි පර්යේෂකයින් සඳහන් කරන්නේ

Giraya News Alerts

කොවිඩ් – 19 වෛරසය ආසාදනය වී සුව වූ පුද්ගලයින් 236,000කගේ තොරතුරු ආශ්‍රයෙන් මෙම පර්යේෂණය සිදු කර ඇත.

Health

වඳුරු උණ – රටවල් 12 ආසාදිතයින් 80ක්, මොකද්ද මේ රෝගය

Published

on

By

ලොව පුරා වැඩි අවධානයක් දිනාගත් තවත් රෝගයක්පැතිර යමින් ඇති බව ලෝක සෞඛ්‍ය සංවිධානය කියයි. මේ වනවිට අවම වශයෙන් රටවල් 12ක මෙම “වඳුරු උණ” රෝගීන් 80 කට වඩා තහවුරු කරගෙන ඇත.

ලෝක සෞඛ්‍ය සංවිධානය පවසා ඇත්තේ තවත් සැක සහිත රෝගීන් 50ක් පිළිබඳ විමර්ශනය කරමින් පවතින බවයි. රෝගය පැතිරයාම සම්බන්ධයෙන් මෙතෙක් ලෝක සෞඛ්‍ය සංවිධානය විසින් කිසිදු රටක් නම් නොකර ඇති අතර තවත් රෝගීන් වාර්තා වීමට ඉඩ ඇති බවට පමණක් අනතුරු අඟවා ඇත.

රෝග ලක්ෂණ මොනවාද?

Giraya News Alerts

මූලික රෝග ලක්ෂණවලට උණ, හිසරදය, ඉදිමීම්, පිටුපස වේදනාව, මාංශ පේශි කැක්කුම ඇතුළත් වේ.

උණ අඩු වී ගිය පසු, බොහෝ විට මුහුණේ ආරම්භ වී, පසුව ශරීරයේ අනෙකුත් කොටස් වලට පැතිර යා හැකි කුෂ්ඨ ඇතිවිය හැක. අතිශයින් කැසීම හෝ වේදනාකාරී විය හැකි කැසීම අවසානයේ කබොල්ල සෑදීමට පෙර වෙනස් වී විවිධ අවධීන් හරහා ගමන් කරයි, පසුව එම කබොල්ල හැලෙන අතර තුවාල කැළැල් ඇති විය හැක.

ආසාදනය සාමාන්‍යයෙන් තනිවම පහව යන අතර දින 14 සිට 21 දක්වා පවතී.

Photo – REUTERS

පැතිර යන රටවල්

යුරෝපීය රටවල් නවයක මෙන්ම එක්සත් ජනපදය, කැනඩාව සහ ඕස්ට්‍රේලියාව යන රටවල ආසාදන තහවුරු වී ඇත.

මධ්‍යම සහ බටහිර අප්‍රිකාවේ දුර බැහැර ප්‍රදේශවල “වඳුරු උණ” උවදුර බහුලව දක්නට ලැබේ.

එක්සත් රාජධානියේ ජාතික සෞඛ්‍ය සේවයට පවසන්නේ එය දුර්ලභ වෛරස් ආසාදනයක් වන අතර සාමාන්‍යයෙන් දැඩි රෝග ලක්ෂණ නොපෙන්වන රෝගයක් බවයි. එසේම බොහෝ ආසාදිතයින් සති කිහිපයකින් සුවය ලබන බව ද ඔවුන් පවසයි.

මෙම වෛරසය මිනිසුන් අතර පහසුවෙන් පැතිර නොයන අතර මහජනතාවට ඇති අවදානම ඉතා අඩු බව පැවසේ.

වඳුරු උණ උවදුර සඳහා නිශ්චිත එන්නතක් මෙතෙක් සොයාගෙන නොමැත, නමුත් වෛරස් දෙක බෙහෙවින් සමාන බැවින් වසූරිය එන්නතෙන් 85% ක ආරක්ෂාවක් ලැබෙන බව ද සෞඛ්‍ය අංශ පවසයි.

මේ වන විට යුරෝපයේ මහජන සෞඛ්‍ය ආයතන විසින් එක්සත් රාජධානිය, ස්පාඤ්ඤය, පෘතුගාලය, ජර්මනිය, බෙල්ජියම, ප්‍රංශය, නෙදර්ලන්තය, ඉතාලිය සහ ස්වීඩනය යන රටවල රෝගීන් තහවුරු කර ඇත.

සිකුරාදා ප්‍රකාශයක් නිකුත් කරමින් ලෝක සෞඛ්‍ය සංවිධානය කියා සිටියේ මෑත කාලීනව වාර්තා වූ සිදුවීම් “ඒවා ආවේණික නොවන රටවල සිදුවන බැවින් ඒවා අසාමාන්‍ය” බවයි. එනම් එම රෝගීන් සාමාන්‍යයෙන් වාර්තාවන රටවල්වලින් එපිට වාර්තා වීම හේතුවෙන් එම තත්වය සැලකිල්ලට ගත යුතු තත්වයක් බවයි.

එය “විපතට පත් විය හැකි පුද්ගලයින් සොයා ගැනීමට සහ සහාය වීමට මෙන්ම රෝග නිරීක්ෂණ ඉහළ නැංවීමට මෙම රෝගයේ බලපෑමට ලක් වූ රටවල් සහ අනෙක් රටවල් සමඟ වැඩ කරමින් සිටින” බව එහි සඳහන් විය.

මෙලෙස අසාමාන්‍ය ලෙස ආසාදිතයින් වාර්තා වීමට නිශ්චිත හේතුවක් මෙතෙක් අනාවරණය වී නැති බව ද ඔවුන් පවසයි. නමුත් වෛරසය යම් ආකාරයකින් වෙනස් වී ඇති නමුත්, මෙය නව ප්‍රභේදයක් යැයි යෝජනා කිරීමට තරම් දැනට සාක්ෂි නොමැති බව ද ලෝක සෞඛ්‍ය සංවිධානය කියයි.

වසූරිය එන්නත බහුලව භාවිතා කළ අවධියට වඩා පහසුවෙන් වඳුරු රෝගය පැතිර යා හැකි බව ද ඔවුන් කියයි.

ලෝක සෞඛ්‍ය සංවිධානයේ යුරෝපයේ කලාපීය අධ්‍යක්ෂ හාන්ස් ක්ලූගේ අනතුරු ඇඟවූයේ “අපි ග්‍රීෂ්ම සමයට ඇතුළු වන විට මහා ජන රැස්වීම්, උත්සව සහ සාද සමඟින්, සම්ප්‍රේෂණය වේගවත් විය හැකි” බවයි.

මෑත කාලීනව වාර්තා වූ එක් සිද්ධියක් හැර අනෙක් සියල්ලන්ටම වඳුරු උවදුරට ආවේණික වූ ප්‍රදේශවලට අදාළ සංචාරක ඉතිහාසයක් නොමැති බව ඔහු පැවසීය.

එක්සත් රාජධානියේ පළමු රෝගියා මැයි 7 වැනිදා වාර්තා විය. රෝගියා මෑතකදී නයිජීරියාවට ගොස් ඇති අතර, එංගලන්තයට යාමට පෙර ඔවුන්ට වෛරසය වැළඳී ඇතැයි විශ්වාස කෙරෙන බව එක්සත් රාජධානියේ සෞඛ්‍ය ආරක්ෂක ඒජන්සිය පවසයි.

එක්සත් රාජධානියේ දැන් තහවුරු වූ රෝගීන් 20 ක් සිටින බව සෞඛ්‍ය ලේකම් සජිඩ් ජාවිඩ් සිකුරාදා පැවසීය. එක්සත් රාජධානියේ බලධාරීන් පැවසුවේ ඔවුන් වසූරිය එන්නත තොග මිලට ගෙන වඳුරු රෝගයට “ඉහළ මට්ටමේ නිරාවරණයක්” ඇති අයට එය පිරිනැමීමට පටන් ගත් බවයි.

ස්පාඤ්ඤයේ එල් පේයිස් පුවත්පතට අනුව, ස්පාඤ්ඤ සෞඛ්‍ය බලධාරීන් වසංගතයට මුහුණ දීම සඳහා වසූරිය එන්නත් දහස් ගණනක් මිලදී ගෙන ඇති බව වාර්තා වේ.

ඕස්ට්‍රේලියාවේ පළමු ආසාදිතයා එක්සත් රාජධානියට සංචාරය කිරීමෙන් පසු රෝගාතුර වූ පුද්ගලයෙකු බව අනාවරණය වූ බව වික්ටෝරියානු සෞඛ්‍ය දෙපාර්තමේන්තුව පවසයි.

උතුරු ඇමරිකාවේ, එක්සත් ජනපදයේ මැසචුසෙට්ස් ප්‍රාන්තයේ සෞඛ්‍ය බලධාරීන් තහවුරු කළේ මෑතකදී කැනඩාවට ගිය පුද්ගලයෙකුට වෛරසය ආසාදනය වී ඇති බවයි. ඔහු “හොඳ තත්ත්වයේ” සිටින අතර “මහජනතාවට කිසිදු අවදානමක් නැත”, නිලධාරීන් පැවසීය.

බීබීසී වාර්තාව ඇසුරින්

Continue Reading

FEATURES

ඔමික්‍රෝන් ගැන මෙතෙක් දන්නා කරුණු

Published

on

By

වඩාත් සම්ප්‍රේෂණය කළ හැකි නවතම කොරෝනා වෛරස් ප්‍රභේදයක් දකුණු අප්‍රිකානු විද්‍යාඥයින් විසින් ප්‍රථම වරට හඳුනාගත් අතර එය ලොව පුරා යළිත් සංචාරණ සීමා පැනවීමට තරම් දරුණු වී තිබෙනවා.

මෙම භයානක වෛරස ප්‍රභේදය ලෝක සෞඛ්‍ය සංවිධානය විසින් ඔමික්‍රොන් නමින් පසුගිය සිකුරාදා නම් කරන ලද අතර, ලොව පුරා පර්යේෂකයින් ඒ සම්බන්ධයෙන් දැඩි අවධානයක් යොමු කොට තිබෙනවා.

Omicron ප්‍රභේදය ගැන වැඩි වශයෙන් සැලකිලිමත් වීමට ප්‍රධාන හේතුව ලෙස විද්‍යාඥයින් පෙන්වා දෙන්නේ එම ප්‍රභේදය විකෘතිතා 50කට අධික ප්‍රමාණයකට ලක්වීමත් එය දැනට ඇති දරුණුතම ප්‍රභේදවලට වඩා වැඩි පැතිරීමේ හා ඉක්මණින්ම ආසාදනය වීමේ ලක්ෂණ පෙන්නුම් කිරීමත් බවයි. විද්‍යාඥයින් අවධාරණය කරන්නේ “අප නොදන්නා බොහෝ දේ තවමත් ඇති” බවයි. “ප්‍රභේදය ඇත්ත වශයෙන්ම වැඩි වශයෙන් බෝවනවාද, එය වඩාත් දරුණු සංකූලතා ඇති කරන්නේද යන්න හෝ එන්නත් වල කාර්යක්ෂමතාවයට එහි බලපෑම් මොනවගේද යන්න” සම්බන්ධයෙන් මෙතෙක් පවතින දැනුම මෙම ප්‍රභේදය ගැන තීරණය ගැනීමට ප්‍රමාණවත් නැති බව විද්‍යාඥයින් පෙන්වා දෙනවා.

Giraya News Alerts

රට අනුව ගමන් සීමා

නව ප්‍රභේදය සම්බන්ධයෙන් අවධානය යොමු වූ වහාම දකුණු අප්‍රිකාව ඇතුළු රටවල් රැසකට සංචරණ සීමා පැනවීමට ඇමරිකාව ඇතුළු 70කට අධික රටවල් ප්‍රමාණයක් කටයුතු කළා. මෙය දකුණු අප්‍රිකානු නායකයින්ගේ කණස්සල්ලට හේතු වූ අතර ඔහු පවසන්නේ නව ප්‍රභේදය හඳුනාගෙන ලෝකයට දැනුම් දීම සම්බන්ධයෙන් තමන්ට ස්තූති කරනවා වෙනුවට ලෝකය තමන්ව තනි කිරීමට කටයුතු කිරීමක් ලෙසයි. ඔහු පවසන්නේ මෙම ප්‍රභේදය තම රට තුළින් හඳුනාගත්ත ද තම රට තුළ නිෂ්පාදනය වූවක් නොවන බවයි.

මේ අනුව දකුණු අප්‍රිකාව, බොට්ස්වානා, ලෙසෝතෝ, ස්වාසිලන්තය, මලාවි, මොසැම්බික්, නැමීබියාව, ටැන්සානියාව සහ සිම්බාබ්වේ යන රටවල සිට තම රටට පැමිණීම බොහෝ රටවල් විසින් තාවකාලිකව තහනම් කරනු ලැබුවා. ශ්‍රී ලංකාව ද රටවල් 6ක සිට සංචාරකයින් පැමිණීම තහනම් කරනු ලැබුවා.

“මුල් සාක්ෂි වලට අනුව එය වේගයෙන් සම්ප්රේෂණය වේ”

“Omicron ප්‍රභේදය දකුණු අප්‍රිකාවේ ඉතා වේගයෙන් බෝවන තත්වයක් ඇති විය. නමුත් රටකම එවැනි පැතිරීමක් ඇතිවනු ඇතැයි එයින් අදහස් නොවේ.” ඇමරිකානු ජාතික සෞඛ්‍ය ආයතනයේ අධ්‍යක්ෂ වෛද්‍ය ෆ්‍රැන්සිස් CNN වෙත පවසා තිබුණි.

මේ වනවිට ඔමික්‍රෝන් පැතිර ගොස් ඇති රටවල්

එක්සත් රාජධානිය, ජපානය ඕස්ට්‍රේලියා, ඔස්ට්රියාව, බෙල්ජියම, බොට්ස්වානා, කැනඩාව, චෙක් ජනරජය, ඩෙන්මාර්කය, ජර්මනිය, හොංකොං, ඊශ්‍රායලය, ඉතාලිය, නෙදර්ලන්තය, පෘතුගාලය, දකුණු අප්‍රිකාව, ස්පාඤ්ඤය යන රටවලින් මෙතෙක් නව ආසාදිතයින් හඳුනාගෙන ඇත.

දකුණු අප්‍රිකානු වෛද්‍යවරියක් මේ සම්බන්ධයෙන් අදහස් දක්වමින් පවසන්නේ ඇය මෙතෙක් හසුරුවා ඇති Omicron ආසාදිතයින් මෘදු තත්වයේ ඇති බවයි.

“එය ආරම්භ වූයේ වයස අවුරුදු 40 සහ ඊට අඩු තරුණ පිරිස අතරින්. වඩාත් ප්‍රමුඛතම සායනික පැමිණිල්ල වන්නේ දින එකක් හෝ දෙකක් දැඩි තෙහෙට්ටුවක් දැනීම, පසුව හිසරදය සහ ශරීරයේ කැක්කුම සහ වේදනාව ඇති වීමයි”. වෛද්‍යවරිය පැවසීය.

නව ප්‍රභේදයට සමඟ කටයුතු කිරීමට හොඳම ක්‍රමය එන්නත් බව විශේෂඥයින් පවසයි.

නව ප්‍රභේදය සමඟ කටයුතු කිරීම සඳහා හොඳම උපදෙස වන්නේ එන්නත් ලබා ගැනීම සහ පසුව බූස්ටරයක් ​​ලබා ගැනීමයි. ඩෙල්ටාවට එරෙහිව ඔබේ හොඳම ආරක්ෂාව වූයේ ද එන්නත් ලබා ගැනීමයි, ඔබ දැනටමත් එන්නත් කර ඇත්නම් සහ ඔබ Pfizer හෝ Moderna ලබා මාස හයක් ගත වී ඇත්නම්, ඔබේ බූස්ටරය ලබා ගන්න.” යැයි වෛද්‍යවරුන් නිර්දේශ කර ඇත.

එන්නත් නිෂ්පාදකයින් Omicron ගැන පවසන්නේ කුමක්ද?

Omicron ප්‍රභේදයට එරෙහිව තම එන්නත් කෙතරම් ඵලදායීදැයි Moderna ඉදිරි සති දෙක තුළ දැනගන්නා බව එම ආයතනයේ ප්‍රධාන වෛද්‍ය නිලධාරීයා පැවසීය.

“අපට Omicron ප්‍රභේදය සඳහා විශේෂිත එන්නතක් නිෂ්පාදනය කිරීමට අවශ්‍ය වුවහොත්, එයට සති කිහිපයක් ගතවනු ඇත, එය පරීක්ෂා කර නිෂ්පාදනය කිරීමට පටන් ගැනීමට අප බලාපොරොත්තු වන්නේ. ඊට මාස දෙක තුනක් ගත විය හැකිය,” මොඩර්නා ආයතනයේ වෙෙද්‍යවරයා පැවසීය.

AstraZeneca ආයතනය ද Omicron ප්‍රභේදය තම එන්නත කෙරෙහි ඇති බලපෑම අධ්‍යයනය කරමින් සිටින බව සමාගමේ ප්‍රකාශකයෙකු ජාත්‍යන්තර මාධ්‍ය වෙත පවසා ඇත.

Pfizer එන්නත නිපදවන BioNTech හි විද්‍යාඥයින් ද, ඉදිරි සති දෙක තුළ තම එන්නතේ ක්‍රියාකාරීත්වය පිළිබඳ සිදුකරන ලද පර්යේෂණවල දත්ත අපේක්ෂා කරන බව මාධ්‍ය වෙත පවසා ඇති අතර ශ්‍රී ලංකාවේ භාවිතා නොවන Johnson & Johnson එන්නත නිෂ්පාදනය කරන සමාගම ද Omicron වලට එරෙහිව තම එන්නතෙහි සඵලතාවය පරීක්ෂා කරමින් සිටින බව පවසා ඇත.

නව ප්‍රභේදය සම්බන්ධයෙන් අදහස් දක්වන විශ්ලේෂකයින් චෝදනා කර සිටින්නේ මෙවැනි ප්‍රභේද ඇති වීමට හේතුව එන්නත් බෙදී යාමේ විෂමතාවය බවයි. පොහොසත් රටවල්, දුප්පත් රටවල් වෙත එන්නත් ලබා දීම ප්‍රමාද කිරීම මීට හේතු වී ඇති බව ඔවුන්ගේ මතය යි.

Continue Reading

Health

රට තුළ ඔමික්‍රෝන් පැතිරීමක් තිබෙනවාදැයි මෙතෙක් කිව නොහැකියි – සෞඛ්‍ය අංශ

Published

on

By

ශ්‍රි ලංකාව තුළ “ඔමික්‍රෝන්” ප්‍රභේදයේ පැතිරීම සම්බන්ධයෙන් නිශ්චිතව මතයක් ප්‍රකාශ කළ නොහැකි බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවසීය.

ශ්‍රී ජයවර්ධනපුර විශ්වවිද්‍යාලය ඊට අදාළ ජාන අනුක්‍රමණ පරීක්ෂණ දිගටම කරගෙන යන බවත් ඒවායේ ප්‍රතිඵල නිකුත් වන තුරු තමාට කිසිම වචනයක් ප්‍රකාශ කළ නොහැකි බවත් ඔහු සඳහන් කළේය.

මෙවැනි කොරෝනා ප්‍රභේදවලින් ගැලවීමට ඇති එකම මාර්ගය එන්නත්කරණය බවද විශේෂඥ වෛද්‍යවරයා පැවසීය.

Giraya News Alerts

Continue Reading

Trending

Copyright © 2016 Giraya News. Powered by Digital Hub