SPORTS
නායක දිමුත් සිය පළමු ද්විත්ව ශතකය වාර්තා කරයි
බංග්ලාදේශ ක්‍රිකට් කණ්ඩායමට එරෙහිව මහනුවර පල්ලේකැලේ ක්‍රීඩාංගනයේ පැවැති පළමු ටෙස්ට් ක්‍රිකට් තරඟයේ දී සිය ටෙස්ට් ක්‍රිකට් දිවියේ පළමු ද්විත්ව ශතකය වාර්තා කිරීමට ශ්‍රී ලංකා ක්‍රිකට් කණ්ඩායමේ නායක දිමුත් කරුණාරත්නට අද (24) හැකි විය.
අද දිනයේ ඉනිම අවසන් වන විට දිමුත් කරුණාරත්න නොදැවී ලකුණු 234ක් රැස් කළේ හතරේ පහර 25ක් සමඟින් ය.
ශ්‍රී ලංකා කණ්ඩායමේ කිසිදු කඩුල්ලක් දවා ගැනීමට බංග්ලාදේශ පන්දු යවන්නන් සමත් නොවූ අතර, අයහපත් ආලෝක තත්ත්වය හේතුවෙන් අද දිනය සදහා තරගය නියමිත වේලාවට පෙර නිමා කරන විට ශ්‍රී ලංකාව සිය පළමු ඉනිම වෙනුවෙන් කඩුලු 3ක් දැවී ලකුණු 512ක් ලබා සිටියා.
අයහපත් ආලෝක තත්ත්වය නිසා අද දිනයේ දී පන්දුවාර 22ක් ක්‍රියාත්මක කිරීමට හැකි වූයේ නැහැ.
එමෙන්ම, මෙම තරඟයේ දී දිමුත් කරුණාරත්නට අනගි සහයක් ලබා දෙමින් ධනංජය ද සිල්වා සිය 7 වැනි ශතකය ලබා ගත්තේ හතරේ පහර 20ක් සමඟින් ය.
දිමුත් කරුණාරත්න සහ ධනංජය ද සිල්වා අතර සිව්වැනි කඩුල්ල වෙනුවෙන් මේ වන විට ලකුණු 322ක නොබිදුණු සබදතාවයක් ගොඩ නැගී තිබෙනවා. එය ශ්‍රී ලංකාව සහ බංග්ලාදේශය අතර පැවැති ටෙස්ට් තරගයකදී ඕනෑම කඩුල්ලක් වෙනුවෙන් වාර්තා වූ ඉහළම ලකුණු සබදතාවය වීම විශේෂත්වයක්.
මීට පෙර කුමාර් සංගක්කාර සහ මහේල ජයවර්ධන විසින් එම වාර්තාවට හිමිකම් කියා තිබුණේ 2007 වසරේ දී තෙවැනි කඩුල්ල වෙනුවෙන් ලකුණු 311ක සබදතාවයක් ගොඩ නගමින්.
එමෙන්ම දිමුත් සහ ධනංජය වාර්තා කළ නොබිදුණු සබදතාවය ශ්‍රී ලංකා පිතිකරුවන් දෙදෙනෙකු අතර සිව්වැනි කඩුල්ල සදහා වාර්තා වූ දෙවැනි ඉහළම ලකුණු සබදතාවය ද වනවා.
ශ්‍රී ලංකා ඉනිම ශක්තිමත් කළ ළහිරු තිරිමාන්න ලකුණු 58කට දැවී ගිය අතර, ඕෂද ප්‍රනාන්දු ලකුණු 20කටත්, ඇන්ජෙලෝ මැතිව්ස් ලකුණු 25කටත් දවා ගැනීමට බංග්ලාදේශ පන්දු යවන්නන් සමත් වුණා.
පන්දු යැවීමේ දී ටස්කින් අහ්මඩ්, මෙහිදි හසාන් මිරාස් සහ ටයිජුල් ඉස්ලාම් එක් කඩුල්ල බැගින් බිද හෙලුවා.
තරගයේ පළමුවෙන් පන්දුවට පහර දුන් බංග්ලාදේශය කඩුලු 7ක් දැවී ලකුණු 541ක් ලබා සිටියදී සිය පළමු ඉනිම අත්හිටුවීමට තීරණය කළා. ඒ අනුව ශ්‍රී ලංකාව මේ වන විට පළමු ඉනිමේ දී පිටුපසින් පසුවන ලකුණු සංඛ්‍යාව 29ක්.
විශේෂ අවස්ථා
- චරිත් අසලංකගෙන් අගනා ශතකයක්.
- ශ්‍රී ලංකාවේ දඟ පන්දු යවන්නන් තරඟයේ අණසක පැතිරවිය.
- ඕස්ට්‍රේලියාව තරගය ජයග්‍රහණය කිරීමට ඉතා ආසන්න විය.
දසුන් ශානකගේ නායකත්වයෙන් යුත් ශ්‍රී ලංකා කණ්ඩායම ඕස්ටේ‍්‍රලියාවට එරෙහිව තරග පහකින් සමන්විත එක්දින තරගාවලියේ සිවුවැනි එක්දින තරගය ලකුණු 4කින් ජය ගනිමින් තරගාවලියේ ජය ස්ථිර කළේය. වසර 30කට පසු ඔස්ට්‍රේලියාවට එරෙහිව ශ්‍රී ලංකාව සිය මව්බිමේදී ලැබූ පළමු එක්දින තරගාවලිය මෙයයි. ශ්‍රී ලංකාව අවසන් වරට ඔස්ට්‍රේලියාව සිය මව්බිමේදී ද්විපාර්ශ්වික තරගයකදී පරාජය කර ඇත්තේ 1992 වසරේදීය. එය තරඟ 3කින් සමන්විත වූ තරඟාවලියක් වූ අතර පළමු තරඟ දෙකම ශ්‍රී ලංකාව ජයගෙන තිබුණි. එසේම ශ්‍රී ලංකාව හා ඕස්ට්‍රේලියාව අතර පැවති තරඟාවලියකින් ශ්‍රී ලංකාව අවසන් වරට ජයගෙන ඇත්තේ 2010 වසරේ දී වීම ද විශේෂත්වයකි.
SL vs AUS | විශේෂ අවස්ථා
දසුන් ශානකගේ ශ්‍රී ලංකා කණ්ඩායම අසීරු පිතිකරණ තත්වයන් යටතේ සිය ඉණිම ක්‍රියාත්මක කළේ චරිත් අසලංකගේ අගනා ශතකය මත පදනම් වෙමින්. ඕස්ට්‍රේලියානුවන්ගේ දඟ පන්දු බලඇණිය තරඟාවලිය තුළ එතරම් දස්කම් පෑමට සමත් නොවුනත් ශ්‍රී ලංකා කණ්ඩායම ලකුණු 258කට සීමා කිරීමට එම කණ්ඩායම සමත් විය.
යොවුන් ක්‍රීඩක දුනිත් වෙල්ලේලාගේ කණ්ඩායමට නව වීරයෙකු වූ අතර ඔහු නොබියව වමතින් දඟ පන්දු යවමින් මිචෙල් මාෂ්ගේ තීරණාත්මක කඩුල්ල දවා ගත්තේය. 19 හැවිරිදි ක්‍රීඩකයාට අමතරව මහේෂ් තීක්ෂණ, ජෙෆ්රි වැන්ඩර්සේ, ධනංජය ද සිල්වා සහ චාමික කරුණාරත්න ශ්‍රී ලංකාව ජයග්‍රහණය කරා රැගෙන යාමට නියම මොහොතේ ක්‍රියාත්මක විය.
ට්‍රැවිස් හෙඩ්ගේ සහ ඩේවිඩ් වෝනර්ගේ කඩුළු දවා ගැනීමට ධනන්ජය ද සිල්වා ක්‍රියාත්මක වීම, ග්ලේන් මැක්ස්වෙල් 1 ලකුණකට සීමා කිරීමට මහේෂ් තීක්ෂණ සමත්වීම, ග්‍රීන්ව වැන්ඩසේ විසින් දවා ගැනීම හා අවසන් මොහොතේ ශ්‍රී ලංකාවට හිසරදයක් ඇති කළ පැට් කමින්ස්ව චාමික කරුණාරත්න විසින් දවා ගැනීම තරඟය ශ්‍රී ලංකාව වෙත ඇද ගැනීමට සමත් වූ විශේෂ අවස්ථා විය.
නායක දසුන් ශානකගේ අවසන් අවස්ථාවේ මිලියන 22ක් වූ ශ්‍රී ලාංකිකයින්ගේ හෘදස්පන්දනය පරික්ෂා කරමින් අවසන් පන්දුවාරය ක්‍රියාත්මක කරමින් ප්‍රභල ප්‍රහාරයකට ලක්විය. එම පන්දුවාරය තුළ ඕස්ට්‍රේලියාවට ජයග්‍රහණය සඳහා ලකුණු 19ක් අවශ්‍ය වී තිබූ 4 පහර 3ක් එල්ල කරමින් අවසන් පන්දුවට ලකුණු 5ක් අවශ්‍ය තත්වයක් දක්වා ලංකාව වෙත පීඩනයක් එල්ල කිරීමට කුනමන් සමත් උනා.
පන්දු යැවීමේ උපදේශක පුහුණුකරු ලසිත් මාලිංග 4 සීමාව ආසන්නයේ කෝපයට පත් වෙද්දී, අවසන් පන්දුවට දිගු වේලාවක් රැඳී සිටීමෙන් ශානක යැවූ ඕෆ් කටර් පන්දුව ජයග්‍රහණය සහතික කළේය. අවසන් පන්දුව වමත් පිතිකරුවා උඩ පන්දුවක් ලබා දෙමින් දැවී ගිය අතර එය වෙනත් කිසිවකු නොව චරිත් අසලංක විසින් අල්ලා ගත්තේය.
ආරම්භකයින්ගේ නරක වාසනාව
එක්දින ක්‍රිකට් ඉතිහාසයේ පළමු වතාවට කණ්ඩායමක ආරම්භක පිතිකරුවන් 0 සහ 99 ලෙස භයානක ලකුණු සංඛ්‍යාවකට දැවී ගියේය. ඒ ඕස්ට්‍රේලියානු කණ්ඩායමේ ආරම්භක පිතිකරුවන් වූ ඒරොන් ෆින්ච් සහ ඩේවිඩ් වෝනර් යන දෙපළයි.
ලංකා ප්‍රිමියර් ලීග් තරඟාවලිය සඳහා අග්‍රාමාත්‍ය මහින්ද රාජපක්ෂ මහතාගේ පුත් රෝහිත රාජපක්ෂ එක්වන බවට ඡායාරූපයක් ද සහිතව ඇතැම් මාධ්‍ය විසින් පළ කරන ලද පුවත සම්බන්ධයෙන් රෝහිත රාජපක්ෂ මහතා අදහස් පළ කර තිබෙනවා.
සිය නිල ට්විටර් ගිණුමේ සටහනක් තබමින් ඔහු පවසන්නේ තමන් මීට පෙරත් පැවසූ පරිදි ලංකා ප්‍රිමියර් ලීග් සඳහා තරඟ කිරීමට තමන්ට කිසිදු අදහසක් නැති බවයි.
එම පණිවුඩය සහ පරිවර්තනය පහතින්.
“As reiterated before, I do not have any intentions to play for the LPL tournament.”
“කලින් නැවත නැවතත් සඳහන් කළ පරිදි, LPL තරඟාවලිය සඳහා ක්‍රීඩා කිරීමට මට කිසිදු අදහසක් නැත.”
කෙසේ වෙතත්, සමාජ මාධ්‍ය ඔස්සේ සැරිසන ඡායාරූප සම්බන්ධයෙන් කළ සොයා බැලීමක දී තහවුරු නොකළ ආරංචි මාර්ග ඔස්සේ ‘ගිරය’ට වාර්තා වූයේ අදාළ ඡයාරූප රෝහිත රාජපක්ෂ සහ ටෙහානි ඉමාරා ගයන ක්‍රිකට් ගීතයක් සඳහා ලබාගෙන ඇති දර්ශන බවයි.
ක්‍රීඩාවේ දී මෙන්ම දේශපාලනයේ දී ද තමා නිවැරදි දේ කළ බවත් සොරකම් කිරීමට ඉඩ නොදුන් බවත් හිටපු ක්‍රිකට් නායක අර්ජුන රණතුංග මහතා පවසයි. රට හදන්න තමාට අවස්ථාවත් ලැබුනොත් ඉදිරිපත් වෙන බව ද ඔහු පවසයි.
එමෙන්ම, ක්‍රිකට් ක්‍රීඩාව ගොඩ නැඟීමට තමාට අවශ්‍ය කරන්නේ මාස හයක කාලයක් පමණක් බව ද අර්ජුන රණතුංග මහතා සඳහන් කරයි.
ඔහු පළ කරන ලද අදහස් මෙසේය.
“අර්ජුන රණතුංගට සමහරුන් ළඟ තියෙන්නේ ලොකු බයක්.ඒක නිකන්ම නිකන් බයක් නොවෙයි .දේශපාලන බයක්.මොකද මම ඉම්රාන් ඛාන් කෙනෙක් වෙයි කියලා සමහරුන්ට බයක් තියෙනවා. ඉම්රාන් ඛාන් කෙනෙක් ඕන නම් මට ඒක වෙන්න පුළුවන්. මේ රටේ මිනිස්සුන්ට ඕන නම් එහෙම වුණාම මොකද වෙන්නේ. ක්‍රීඩාව කරනකොටත් දේශපාලනය කරන කොටත් මම හරි දේ කළා.හොරකම් කරන්න දුන්නේ නෑ. කරන්න දීපු ආයතන සුද්ද කළා. “
” මට අවස්ථාව ලැබුණොත් රට හදන්න එනවා.මම මෙච්චර කල් බෙල්ල දෙන්න ආවෙ නෑ. මේ ක්‍රීඩාවෙන් එළියට ගිහිල්ලා මම බෙල්ල දෙන්න එනවා. මම මේ දක්වාම හිතුවේ මේ රටේ ඕනෑතරම් නායකයෝ ඉන්නවා කියලයි.නමුත් මට දැන් පේනවා මේ රටට ආදරය කරන නායකයෝ නැහැ කියලා. රටට ආදරය කරලා රට හදන්න එන නායකයෝ “
” ඒ වගේම මම තවත් දෙයක් කියන්න ඕන. මේ වැටිල තියෙන ක්‍රිකට් හදන්න මට ඕන මාස හයයි. කිසිම කෙනෙකුට ඇඟිලි ගහන්න බෑ .මම කරල පෙන්නනවා. මට ඒකට සහයට හොඳ ක්‍රීඩකයෝ දෙතුන් දෙනෙක් ඕන . සනත්ලා ඉන්න ඕන අරවින්දලා ඉන්න ඕන . මම මහේලට කියනවා කණ්ඩායම අරගෙන කරන්න කියලා .එයාට බොම්බේ කරන්න පුළුවන් නම් ලංකාවට ඇවිල්ල කරන්න බැරි ඇයි. සංගක්කාරට කියනවා ක්‍රිකට් ආයතනයේ විධායක අධ්‍යක්ෂ වෙන්න කියලා.අපි ඒගොල්ලන්ට අවස්ථාව දෙන්න ඕන. එයාලට ඒක දීලා බලමු. දැන් ඒවා කියවනවා විතරයි. චමින්ද වාස්ට කොච්චර ප්‍රශ්න ආවද . අන්තිමේදී ක්‍රිකට් පාලක මණ්ඩලයේ සභාපතිගේ දොර ඇරියේ නෑ ඒ ළමයාට ගිහිල්ලා ප්‍රශ්නේ කතා කරන්න.ඒ මේ රට නියෝජනය කරපු ක්‍රීඩකයෝ. ටෙස්ට් මැච් සියයක් ගහපු ක්‍රීඩකයෙක්. එහෙම කරලා කොහොමද මේක දුවන්නෙ.”
