Connect with us
Advertise with Giraya

NEWS

නඩුව දවසේ අසනීප වී රෝහල්ගත වූ චම්පිකගේ සෞඛ්‍ය ගැන අධිකරණය වාර්තාවක් කැඳවයි

Published

on

රාජගිරිය ප්‍රදේශයේ දී රිය අනතූරක් සිදුකොට යතුරු පැදියකින් ගමන් කළ තරුණයෙකු අනතූරට පත් කිරීම සම්බන්ධයෙන් චෝදනා ලැබ සිටින සමගි ජනබලවේගයේ කොළඹ දිස්ත්‍රික් පා.ම. හිටපු අමාත්‍ය පාර්ලිමේන්තු මන්ත්‍රී පාඨලී චම්පික රණවක මහතාගේ සෞඛ්‍ය තත්ත්වය පිළිබඳව පරීක්ෂාකර සවිස්තර වාර්තාවක් ඉදිරිපත් කරන ලෙස කොළඹ මහාධිකරණය විසින් කොළඹ ප්‍රධාන අධිකරණ වෛද්‍ය නිලධාරියා වෙත නියෝග කර ඇත.

ඒ රාජගිරිය ප්‍රදේශයේ සිදුවූ රිය අනතුරට අදාළව ව්‍යාජ සාක්ෂි නිර්මාණය කිරීම හා සාක්ෂි වසන් කිරීමේ සිද්ධියක් සම්බන්ධයෙන් අමාත්‍ය පාඨලී චම්පික රණවක මහතා ඇතුළු විත්තිකරුවන් තිදෙනෙකුට එරෙහි නඩුව ජනවාරි 11 දින කැඳවනු ලැබූ අවස්ථාවේ දී විත්තිකාර හිටපු අමාත්‍යවරයා අධිකරණය හමුවේ පෙනී නොසිටීම හේතුවෙන් කොළඹ මහාධිකරණ විනිසුරු දමිත් තොටවත්ත මහතා මෙම නියෝගය නිකුත් කර ඇත.

2016 පෙබරවාරි 29 වනදා රාජගිරියේදී අපරික්ෂාකාරි ලෙස රිය පදවා තරුණයෙකු අනතුරකට ලක්කිරීමේ සිද්ධියට අදාළව ව්‍යාජ සාක්ෂි නිර්මාණය කිරීම හා සාක්ෂි වසන්කිරීම සම්බන්ධයෙන් තමන්ට එරෙහිව කොළඹ මහාධිකරණය හමුවේ ගොනුකර ඇති නඩුවේ විභාගය අත්හිටුවන්නැයි පාර්ලිමේන්තු මන්ත්‍රී පාඨලි චම්පික රණවක මහතා අභියාචනාධිකරණය හමුවේ ප්‍රතිශෝධන පෙත්සමක් ද ගොනුකර ඇති අතර අදාළ පෙත්සම ජනවාරි 10 දින සලකා බැලු අවස්ථාවේදී ජනවාරි 11 දිනට නියමිතව තිබු මහාධිකරණ නඩු විභාගය අත්හිටුවීමේ අතුරු නියෝගයක් නිකුත් කරන ලෙස පාඨලි චම්පික රණවක මහතාගේ නීතිඥයින් ඉල්ලීමක් කළ ද, අභියාචනාධිකරණය එය ප්‍රතික්ෂේප කර තිබුණි.

Giraya News Alerts

ඒ අනුව, අදාළ නඩුවේ හරස් ප්‍රශ්න විමසීම් ජනවාරි 11 දින කොළඹ මහාධිකරණ විනිසුරු දමිත් තොටවත්ත මහතා ඉදිරියේ දී ආරම්භ කිරීමට නියමිතව තිබුණද විත්තිකාර පාඨලි චම්පික රණවක මහතා වෙනුවෙන් පෙනී සිටි ජනාධිපති නීතිඥ අනුජ ප්‍රේමරත්න මහතා කියා සිටියේ සිය සේවාදායකයා අසනීප තත්ත්වයක් හේතුවෙන් කොළඹ ලංකා පෞද්ගලික රෝහලේ ප්‍රතිකාර ලබමින් සිටින බවයි.

“ස්වාමිනි, මගේ සේවාදායකයා අසනීප තත්ත්වයක් හේතුවෙන් ඊයේ රාත්‍රී කොළඹ ලංකා රෝහලට ඇතුළත් කර තිබෙනවා. වකුගඩු අමාරුව, හුස්ම ගැනීමේ අපහසුතාව සහ පපුවේ වේදනාව හේතුවෙන් ඔහු රෝහල් ගත කර ඇති බවයි මාහට උපදෙස් ලැබී තිබෙන්නේ. ඒ සම්බන්ධ විශේෂඥ වෛද්‍ය ප්‍රියංකර ජයවර්ධන මහතා, නිකුත් කළ වාර්තාවක් මම අධිකරණයට ඉදිරිපත් කරනවා.”

එම කරුණු දැක්වීමට කිසිසේත් එකඟවිය නොහැකි බව සඳහන් කළ පැමිණිල්ලේ නීතිඥ නියෝජ්‍ය සොලිසිටර් ජනරාල් දිලීප පිරිස් මහතා අධිකරණය හමුවේ කරුණු දැක්වීය.

“ස්වාමිනි. මේ ඉදිරිපත් කළ කරුණු පිළිගන්න බැහැ. මොකද මෙම නඩු විභාගය අත්හිටුවන ලෙස ඉල්ලා විත්තිකාර පාඨලි චම්පික රණවක ඊයේ අභියාචනාධිකරණයට පෙත්සමක් ඉදිරිපත් කර තිබුණා. එම පෙත්සම විභාගයට ගත් අවස්ථාවේ ඊයේ පස්වරු 1.30ට පමණ මෙම විත්තිකරු උපරිමාධිකරණ සංකීර්ණය අසළ ගැවසී තිබෙනවා. එම පෙත්සමේ නියෝගය ලබන 24 වනදා ප්‍රකාශයට පත්කිරීමට නියමිතයි. එසේ තිබියදී මෙම නඩු විභාගය කල් දමා ගැනීමේ අරමුණින් තමයි විත්තිකරු මෙම ක්‍රියාව අද සිදුකර තිබෙන්නේ. සාක්ෂිකරුවන්ට සාක්ෂි අමතක වන තුරු නඩු විභාගය කල් දමා ගැනීම තමයි ඔහුගේ අරමුණ. මේක බරපතළ තත්ත්වයක්. මෙම සිද්ධියෙන් අගතියට පත් තරුණයා අදත් රෝද පුටුවකින් අධිකරණයට පැමිණ තිබෙනවා. එහෙම තියෙද්දි ඔහුට යුක්තියක් ඉටු කිරීමට අවශ්‍ය නැද්ද? මෙවැනි ක්‍රියාවලට අධිකරණය ඉඩ දුනහොත් යුක්තිය අපගමනය වීමක් සිදුවෙනවා.”

වැඩිදුරටත් කරුණු දැක්වු නියෝජ්‍ය සොලිස්ටර් ජෙනරාල්වරයා,

“ස්වාමිනි මේ කියන ලංකා රෝහල රාජිත සේනාරත්න මහතා අත්අඩංගුට ගැනීමට නියම වූ අවස්ථාවේදීත් වෛද්‍ය වාර්තා ඉදිරිපත් කළා. එම වෛද්‍ය වාර්තා ලබාගන්නවා ආකාර ගැන අපි හොඳට දන්නවා. ඒ නිසා මේ සම්බන්ධයෙන් දැඩි ක්‍රියාමාර්ගයක් ගන්නා ලෙස මා ඉල්ලා සිටිනවා”

එහිදී මන්ත්‍රී රණවක මහතාගේ වෛද්‍ය වාර්තාව පරීක්ෂා කළ කොළඹ මහාධිකරණ විනිසුරු දමිත් තොටවත්ත මහතා පැවසුවේ වෛද්‍ය වාර්තාව අත්අකුරින් ලියා ඇති බැවින් රෝගී තත්ත්වයන් සහ එහි බලපෑම පිළිබඳව පැහැදිලිව වටහාගත ගැනීම අපහසු බවය.

අනතුරුව නියෝජ්‍ය සොලිස්ටර් ජනරාල්වරයා අධිකරණයෙන් ඉල්ලා සිටියේ වෛද්‍ය වාර්තාව ලබාදී ඇති විශේෂඥ වෛද්‍යවරයාගෙන් ප්‍රකාශයක් සටහන් කරගන්නා ලෙස කොළඹ අපරාධ කොට්ඨාසයේ අධ්‍යක්ෂවරයා වෙත නියෝගයක් නිකුත් කරන ලෙසය.

එමෙන්ම, රණවක මහතා රෝහල් ගත කෙරුණේ කවදාද ? රෝහල්ගත කළ වේලාව ඇතුළු කරුණු සම්බන්ධයෙන් පුර්ණ විමර්ශනයක් පවත්වා වාර්තාවක් අධිකරණයට ඉදිරිපත්කරන ලෙස කොළඹ අපරාධ කොට්ඨාසයේ අධ්‍යක්ෂවරයා වෙත නියෝගයක් නිකුත් කරන්නැයි ද නියෝජ්‍ය සොලිස්ටර් ජෙනරාල්වරයා අධිකරණයෙන් ඉල්ලා සිටියේය.

එම ඉල්ලීම් පිළිගත් විනිසුරු දමිත් තොටවත්ත මහතා චම්පික රණවක මහතාගේ රෝගී තත්ත්වය පිළිබඳව පරීක්ෂාකර සවිස්තර වාර්තාවක් ඉදිරිපත් කරන්නැයි කොළඹ ප්‍රධාන අධිකරණ වෛද්‍ය නිලධාරියාට නියෝග කළේය.

එමෙන්ම අද දින අධිකරණයට ඉදිරිපත් කළ වාර්තාව, නිකුත් කළ වෛද්‍යවරයාගෙන් ප්‍රකාශයක් සටහන් කරගෙන ඒ ඔස්සේ සිද්ධිය පිළිබඳව පරීක්ෂණයක් පවත්වා, වාර්තාවක් ඉදිරිපත් කිරීමට පියවර ගන්නා ලෙස විනිසුරුවරයා කොළඹ අපරාධ කොට්ඨාසයේ අධ්‍යක්ෂවරයාට ද නියෝගයක් නිකුත් කරනු ලැබීය. මෙම නඩුව ලබන 21 දා තෙක් කල් තබනු ලැබීය.

එසේම, කායික රෝග විශේෂඥ වෛද්‍ය ප්‍රියංකර ජයවර්ධන මහතා නීතිඥ රවී ජයවර්ධන මහතාගේ සොහොයුරෙකි. නීතිඥ රවී ජයවර්ධන මහතා සමගි ජනබලවේගය සමග හා චම්පික රණවක මහතා සමග සමීපව දේශපාලන කටයුතු සිදු කරන සමගි ජනබලවේගයේ ප්‍රබල ක්‍රියාකාරිකයෙකු වන අතර යහපාලන සමයේ ශ්‍රී ලංකා රූපවාහිනී සංස්ථාවේ හිටපු සභාපතිවරයෙකු හා වත්මන් විපක්ෂ නායක සජිත් ප්‍රේමදාස මහතාගේ ලේකම්වරයෙකු ලෙස කටයුතු කරයි.

NEWS

අජිත් රෝහණ දකුණට, ඇමති ටිරාන් අලස් වැඩ අරඹයි

Published

on

By

ශ්‍රී ලංකා පොලීසියේ ජ්‍යෙෂ්ඨ නියෝජ්‍ය පොලිස්පතිවරු තිදෙනෙකුට වහාම ක්‍රියාත්මක වන පරිදි ස්ථාන මාරු ලබා දී ඇති බව මහජන ආරක්ෂක අමාත්‍යංශය පවසයි.

ඒ අනුව ජ්‍යෙෂ්ඨ නියෝජ්‍ය පොලිස්පති අජිත් රෝහණ දකුණු පළාත භාර ජ්‍යෙෂ්ඨ නියෝජ්‍ය පොලිස්පතිවරයා ලෙස මාරු කර යවා තිබෙනවා. ඔහු අපරාධ සහ රථවාහන දිසාව, සංවිධානාත්මක අපරාධ, කාන්තා සහ ළමා අපචාර කාර්යාංශය, මත්ද්‍රව්‍ය දිසාව, මැතිවරණ පිළිබඳ ජ්‍යෙෂ්ඨ නියෝජ්‍ය පොලිස්පතිවරයා ලෙස සහ ජ්‍යෙෂ්ඨ මාධ්‍ය ප්‍රකාශකවරයා ලෙස කටයුතු කරනු ලැබුවා.

දකුණු පළාත් භාර ජ්‍යෙෂ්ඨ නියෝජ්‍ය පොලිස්පතිව සිටි එම්.ඩී.ආර්.එස්. දමින්ද නැගෙනහිර පළාත භාර ජ්‍යෙෂ්ඨ නියෝජ්‍ය පොලිස් පොලිස්පතිවරයා වශයෙන් පත් කර ඇති අතර නැගෙනහිර පළාත භාර වැඩබලන ජ්‍යෙෂ්ඨ නියෝජ්‍ය පොලිස්පති කමල් සිල්වා අපරාධ හා රථවාහන දිසාව භාර ජ්‍යෙෂ්ඨ නියෝජ්‍ය පොලිස්පතිවරයා ලෙස ද ස්ථාන මාරුවීම් කර ඇති බව වාර්තා වේ.

Giraya News Alerts

ටිරාන් අලස් මහජන ආරක්ෂක අමාත්‍යවරයා ලෙස පත් වීමෙන් පසු එම අමාත්‍යංශයේ ලේකම්වරයා ලෙස එස්. හෙට්ටිආරච්චි පත්වීම් ලැබුවා. ඒ අනුව, අමාත්‍යාංශ ලේකම්ගේ 2022.05.27 දිනැති ලිපියට අනුව රාජ්‍ය්‍ය සේවා කොමිෂන් සභාවේ අනුමැතියට යටත්ව මෙම ස්ථාන මාරුවීම් නියෝගය නිකුත් කරන බව පොලිස්පතිවරයා පවසනවා.

බත්තරමුල්ලේ, සුහුරුපායේ, මහජන ආරක්ෂක අමාත්‍යාංශයේ බ්‍රහස්පතින්දා පොලීසියේ ජ්‍යෙෂ්ඨ නිලධාරීන් සමග පැවැති සාකච්ඡාවක දී ඇමතිවරයා පවසා ඇත්තේ ශ්‍රී ලංකා පොලීසියේ නිලධාරීන් තමන් වෙත පැවරී ඇති රාජකාරිය නීත්‍යානුකූලව සිදු කළ යුතු අතර එලෙස කටයුතු කරන සෑම පොලිස් නිලධාරියෙකුටම ඇමතිවරයා ලෙස තමන් රැකවරණය ලබාදෙන බවයි.

Continue Reading

NEWS

#Breaking ශෂි වීරවංශට වසර දෙකක සිර දඬුවමක්

Published

on

By

කොළඹ දිස්ත්‍රික් පාර්ලිමේන්තු මන්ත්‍රී විමල් වීරවංශගේ බිරිද වන ශෂි වීරවංශට වසර දෙකක සිර දඩුවමක් ලබා දීමට කොළඹ ප්‍රධාන මහේස්ත්‍රාත් අධිකරණය මැයි 27 වැනිදා නියෝග කර ඇත.

කොළඹ පූර්වගාමී ප්‍රධාන මහෙස්ත්‍රාත් බුද්ධික ශ්‍රී රාගල එම නියෝගය ලබා දී ඇති අතර අද ( 27) එම නියෝගය ලබා දීම සිදු කළේය.

ආගමන විගමන නීති උල්ලංඝනය කරමින් ව්‍යාජ විදෙස් ගමන් බලපත් දෙකක් ළඟ තබාගැනීම සම්බන්ධයෙන් වූ චෝදනාවන්ට වරදකරු වීම හේතුවෙන් මෙම දඩුවම් පමුණුවා තිබෙනවා.

Giraya News Alerts

Continue Reading

NEWS

රනිල්ගේ යෝජිත අයවැය තුළ රාජ්‍ය සේවකයින්ට වැටුප් වැඩිවීමක් නෑ – අගමැති කාර්යාලය නිවේදනය කරයි

Published

on

By

මුදල් විෂයභාර අමාත්‍යවරයා ද වන අග්‍රාමාත්‍ය රනිල් වික්‍රමසිංහ විසින් ඉදිරියේදී ගෙන ඒමට නියමිත අන්තර්කාලීන අයවැය ඔස්සේ රාජ්‍ය සේවකයින්ට වැටුප් වැඩිවීමක් ලබාදෙන බවට පුවත්පත් හා සමාජ මාධ්‍යවල පළ වී තිබූ මාධ්‍ය වාර්තා සම්බන්ධයෙන් අග්‍රාමාත්‍ය කාර්යාලය පැහැදිළි කිරීමක් සිදුකර තිබේ.

ඒ අනුව, එහි සඳහන් වන්නේ ඉදිරියේ දී ගෙන ඒමට නියමිත අන්තර්කාලීන අයවැය මගින් රාජ්‍ය සේවකයින්ගේ වැටුප් වැඩිවීමක් පිළිබඳ කිසිඳු යෝජනාවක් අනතර්ගත නොවනු ඇති බවයි.

එසේම, සෞඛ්‍ය සහ අධ්‍යාපන හැර අනෙකුත් අමාත්‍යංශ සඳහා ලබා දී තිබූ ප්‍රතිපාදන කප්පාදු කිරීමට අන්තර්කාලීන අයවැය තුළින් අපේක්ෂා කරන බව ද අග්‍රාමාත්‍ය කාර්යාලය පවසනවා. ඒ මගින් ඉතිරි කරගැනීමට අපේක්ෂිත මුදල් රජයේ අත්‍යවශ්‍ය වියදම් සඳහා යොදා ගැනීමට නියමිත බව වැඩිදුරටත් වාර්තා වේ.

Giraya News Alerts

Continue Reading

Trending

Copyright © 2016 Giraya News. Powered by Digital Hub